Pinoy MC

Ito ang buhay na pinili ko mula ng pagkabata

Handang pagsumikapan at hawakan ang panata

Para sa kultura at sa kanyang adhikain

Ako'y isang Pinoy MC

Ito ang buhay na pinili ko mula ng pagkabata

Handang pagsumikapan at hawakan ang panata

Para sa kultura at sa kanyang adhikain

Ako'y isang Pinoy MC

Ilang kwaderno na nga bang inubos ko para lang ang

Dating bagitong makatang ito'y mistulang sandatang

Pang-harabas hinasa, para manabas isa ka

Sa mababawas sa pila, anumang lakas ay halika

Manunula mula pa taong 2001

Hinuhulaan mo pa lang ang iyong kapupuntahan

Kaso nga lang dito satin ay may kaibahan

Ang pagtingin sa gaya naming di maintindihan

Ano bang mali sa pagiging emcee ko sa edad na trenta

Ano ngayon kung hindi na bumibenta

Tingin mo sa kagaya namin walang kwenta

Humanap ka na lang kausap mo, eto singkwenta

Di kami sikat, lalong di kami kilala

Di kami angat, ngunit pilit na hinihila

Dapat pang habaan ang iyong pisi

Dahil dito sa Pinas mahirap maging emcee

Ito ang buhay na pinili ko mula ng pagkabata

Handang pagsumikapan at hawakan ang panata

Para sa kultura at sa kanyang adhikain

Ako'y isang Pinoy MC

Ito ang buhay na pinili ko mula ng pagkabata

Handang pagsumikapan at hawakan ang panata

Para sa kultura at sa kanyang adhikain

Ako'y isang Pinoy MC

Kapag magpapakalalim ay sasabihang manggagaya

Wag sasama sa amin yan ay kung di mo naman kaya

Lahat ng pangungutya at mga pambubuska

Kung hindi mo masikmura siguradong ubos ka

Tapos ka, sa mga matang mababaw tumingin

Ibuhos mo man lahat di ka pa rin papansinin

Kung hindi mo sila kaya na pakiligin

Kung hindi mo sila kaya na pasayawin

Kaya naman lalo tuloy na pumapanget ang tingin

Dahil akala ng lahat yan lang kayang gawin

Ng musikang ito, na pinagmamalaki ko

Minahal ko ng buo

Kaya naman wala akong pakealam ano man ang sabihin

Hip-Hop pa rin ako, yan hanggang sa bawiin

Na ng Diyos na maykapal ang buhay na ibinigay

Ang talento kong taglay dito pa rin iaalay

Ito ang buhay na pinili ko mula ng pagkabata

Handang pagsumikapan at hawakan ang panata

Para sa kultura at sa kanyang adhikain

Ako'y isang Pinoy MC

Ito ang buhay na pinili ko mula ng pagkabata

Handang pagsumikapan at hawakan ang panata

Para sa kultura at sa kanyang adhikain

Ako'y isang Pinoy MC

Kung wala kang labsong walang makikinig sayo

Kapag puro labsong baduy naman tingin sayo

Jejemon, bisaya, jologs, ano pa?

Iba kami sa kanila wag nyo kaming ikumpara

Kumbaga marami lang ang gusto lang na makiuso

Pero kapag kakilala madalas umaabuso

Naglabas ng ilang libo sa artistang di kilala

Pagkatapos pag sa kapwa libre pa gustong makuha

Pambihira, paano tayo aasenso pag ganyan

Barya na nga lang di pa mapagbigyan

Pamasahe na nga lang kung minsan abunado pa

Pagkatapos kumanta kami nama'y tablado pa

Kahoy ang entablado, ang mic dispalinghado

Kapos ang hininha mga barang kinabisado

Kahit paano sana ay matutunang tangkilikin

Dahil tulad ng iba, ito'y sariling atin

Ito ang buhay na pinili ko mula ng pagkabata

Handang pagsumikapan at hawakan ang panata

Para sa kultura at sa kanyang adhikain

Ako'y isang Pinoy MC

Ito ang buhay na pinili ko mula ng pagkabata

Handang pagsumikapan at hawakan ang panata

Para sa kultura at sa kanyang adhikain

Ako'y isang Pinoy MC