歌词
Wir sun den winder in stuben empfahen
Wol uf, ir kinder, ze tanz sun wir gahen
Volgent ir mir, so sun wir smieren
Und zwinken und zwieren nach lieplicher gir
Schone umbeslifen und doch mit gedrange
Breste uns der pfifen, so vahen ze sange
Respen den swanz, so sun wir rücken
Und zocken und zücken, daz eret den tanz
Nieman verliese sin froiden gewinne
In der man kiese sin trut, daz er minne
Sanfte daz tuot. Swie si da wenke
So trefs anz gelenke, daz küzelt den muot
Nieman sol stoeren die minne uz dem muote
Er will sich toeren: sie wehset von huote
Liep ane wanc, swie si doch smücket
Si luodert, si lücket ir friundes gedanc