歌词
Je vivroie liement,
Douce creature,
Se vous saviés vraiement
Qu’en vous fust parfaitement Ma cure.
Dame de maintieng joli,
Plaisant nette et pure,
Souvent me fait dire: ?ay, my!?
Li maus que j’endure
Pour vous servir loyaument.
Et soiés seüre
Que je ne puis nullement
Vivre einsi, se longuement Me dure.
Je vivroie liement,
Douce creature,
Se vous saviés vraiement
Qu’en vous fust parfaitement Ma cure.
Car vous m’estes sans merci
Et sans pité dure,
Et s’avez le cuer de my
Mis en tel ardure
Qu’il morra certeinnement
De mort trop obscure,
Se pour son aligement
Merci n’est procheinnement Meüre.
Je vivroie liement,
Douce creature,
Se vous saviés vraiement
Qu’en vous fust parfaitement
Ma cure.
[02:24]
专辑信息