Lakto kaj miel'

Mi ne imagis ke riĉeco

Tiel mizere aspektas

Kaj kiom kreskas malapreco

Kiam ĉio perfektas

Kaj en la koron gutas

Veneno de la haven'

Kaj la muziko mutas

Mi ne vivas tie ĉi

Mi nur ekzistas

Mi ne vivas tie ĉi

Mi nur ekzistas

Sed mi ekvivas en la paŭzoj

Kaj en la interspacoj

Dum mi forgesas pri la naŭzo

Malantaŭ brilaj surfacoj

Subita vent' forŝiras

La trudkileton de mia kor'

Kaj miaj pulmoj spiras

Mi ne vivas tie ĉi

Mi nur ekzistas

Mi ne vivas tie ĉi

Mi nur ekzistas

Sed ne faras diferencon ĉiom ajn de pent' kaj plor'

La pont' malkonstruiĝis kaj la ŝanco estas for

Ŝajnas esti la infero kvankam estu la ĉiel'

Kaj mi malrapide dronas en la lakto kaj miel'

Mi ne vivas tie ĉi

Mi nur ekzistas

Mi ne vivas tie ĉi

Mi nur ekzistas

Mi ne vivas tie ĉi

Mi nur ekzistas

Mi ne vivas tie ĉi

Mi nur ekzistas