Por Vi, Por Vi

Se deziras nur vi,

Mi perfortos la tempon,

Vintron kaj eĉ printempon

Ke ruĝiĝos Karina

Karin' la stratulin'

Por vi, por vi.

Se deziras nur vi,

Mi perfortos la sunon,

La ĉielon, la lunon;

Supre mi nokton ŝtelos

Tagon kaj bluajn stelojn,

Por vi, por vi.

Se deziras nur vi,

Prenos mi el ĉielo

Garbojn da hirundetoj

Birdojn mil en bukedoj

Kaj flugilojn anĝelajn,

Por vi, por vi.

Se deziras nur vi,

Trinkos mi el botelo

Vinon kaj hidromelon

En drinkej' de haveno

Ĝis ebria mateno,

Por vi, por vi.

Se deziras nur vi,

Mi forperdos memoron,

Cedos for mian koron,

Mi forgesos pri belo,

Kaj infanaj fabeloj

Por vi, por vi.

Se deziras nur vi

Mi eĉ perdos la voĉon

Blinda, surda kantisto,

Ignorante flatistojn

Falos mi en diboĉon,

Por vi, por vi.

Se deziras nur vi

Spertos mi ridon mokan

De am' nur ununokta,

Tretos mi lastajn ŝtupojn

Kaj mi mortos en suboj,

Por vi, por vi.

Por vi, por vi.