乞食歌

（兄）正月算来是过新年　锣鼓炮声响连天

伸手牵着阮小弟　家家户户来分钱

阮是无父无母的孤儿　屏段赚又搁骨力开钱

请你ㄚ出手是觅ㄚ客气　一千五百以下觅考虑

（弟）二月算来呀陈ㄚ新雷　叫声阿兄　咱紧来去

明仔在有三脚的会仔钱　银行的贷款搁到期

堵着今年是歹景气　各行各业拢虚虚虚ㄛ

分咱尚少可能是不得已　阿兄你着不通发脾气

（兄）三月算来ㄚ是清明　人人扫墓上山顶

叫声小弟你叼行进前　我来拷草你甲人斗烧金

顺煞甲人报告咱的行情　一门墓碑咱们总收六千

三牲四果着乎人拿ㄚ返去用　因为咱无冰箱通好冰ㄛ

（弟）四月算来是春天后　无寒无热风透透

每日睏甲日中逗　甲阮阿兄送饭包

因为阮阿兄是歹嘴斗　捡菜捡食搁真快夭

想着歹命强要哭　何时何日才会出头

（兄）五月算来是绑肉粽　听讲纪念一个七桃人

伊的名叫做诸ㄚ葛亮　随嘉庆君是到台湾

为着要保护一个情报员ㄚ　全家跳落去基隆港

你若有听过烧ㄚ肉粽　作词作曲是荫屍人

（弟）六月算来是茉莉花香　对对情人入洞房

想到阿兄我目眶红　为阮牺牲嘛有够重

为着要照顾我归世人　另外彼个小弟ㄚ煞放咧乎孵脓

甘愿录影带看归暗　看甲已经强要不成人

（兄）七月算来ㄚ是普渡　真多好兄弟仔咱爱照顾

人讲好心ㄚ有ㄚ好报　做歹事叼不通行暗路

害我每日看着日ㄚ头落　就缩治厝内不敢四界余

我诚ㄚ心ㄚ诚ㄚ意ㄚ来ㄚ祈祷　若要乎着捉阮小弟ㄚ伊卡可恶

（弟）八月算来ㄚ是中秋　閤家团圆赏月娘

一个头家嘛真夭寿　只那分我一粒文旦柚

这款侮辱我不接受　阿兄决定要去报仇

跪惦伊门口ㄚ苦苦哀求　想不到煞去乎伊泼猪油

（兄）九月算来ㄚ是ㄚ重阳　想着食老我无路用

叫声小弟ㄚ你爱ㄚ坚强　阿兄若扯起来你着觅悲伤

（弟）阿兄你着爱听我讲　我有走去庙仔问彼个土地公

伊讲你上多是乎车撞　上盖严重呀是中风

（兄）十ㄚ月ㄚ算ㄚ来ㄚ秋ㄚ风ㄚ冷ㄚㄛ　无人了解乞食的心情

现代的人ㄚ无ㄚ人性　小气冻酸搁无ㄚ良心ㄛ

（弟）人讲人情是冷如冰　阿兄你生气是有啥路用

举头三尺有神明　彼款的人一定有报应

（兄）十一月算来是冬至　不知不觉加一岁

今ㄚ年的体检ㄚ若通过　小弟ㄚ你着爱去兵营来受罪ㄛ

我对三岁着假清瞑　绝对看不出我是假

假使这招若骗未过　我还搁一步惦土脚爬

（兄）十二月算来ㄚ是ㄚ年底

（弟）辛苦一年有代价

（兄）叫声小弟仔你叼免ㄚ歹势

（弟）阿兄人我已经揣好布袋

（兄）我做乞食嘛有ㄚ计划

（弟）明年开始我假做畜牲

（合）同生同死同进退　代代做乞食嘛无反悔