歌词
杀猪盘
词：Mr.weezy
曲：Mr.weezy
编曲：Yamaica&鸡蛋先生
制作人：Yamaica&鸡蛋先生
录音：杨秋儒
混音：鸡蛋先生
演唱：计一彪&Mr.weezy
出品：Head-Line
（verse*1）计一彪：
杀猪猡 拿侬当戆大
靠近侬 噱侬 教侬拉米 带侬当大户（侬看 钞票摸老老哦）
关心侬 拨侬消息 装专业 有幕后 走势 收益率 投资回报率
帮侬画大饼 要侬跟牢伊做 相信伊就没错 （铁保牢靠）
勿管侬几岁 啥性别 屋里啥情况 啥工作 无差别 （斩冲头）是人就是伊目标 （搿票里人忒好骗了）
跟侬讲老便当就好赚钞票 侬胃口伊勿停个吊 带侬扒分日越来越来好 （天天出国旅游）
伊加侬QQ 加侬微信 只有一只微信 出佬会相信 （侬阿会真个相信哦）
没碰过头就讲要带侬赚零用钿 （外快赚伐） 面也没见过就帮侬谈敲定 （我就要侬 其他侪覅）
拨侬美好个蓝图 未来幸福个画面 让侬相信搿就是爱情
噱头一套套 情话一套套
带侬看全世界最美个山河景色 未来美好家园只想搭侬一道创造
(Hook) 计一彪&Mr.weezy：
骗 （像只寿头） 伊讲个侬侪相信
骗 （像只寿头）捏鼻头做梦个爱情
骗 （像只寿头）突然出现熟悉个陌生人
骗 （像只寿头）一家一当帮侬清零
（verse*2）Mr.weezy：
掏心掏肺比海王还要会的撩 最终目的伊只看中侬卡里个钞票（拿侬钞票骗了精光浪荡）
带侬赚钞票像做特务一样 （我偷偷告诉侬哦 ）
千叮万嘱叫侬覅搭别人讲 （搿事体只好侬晓得哦）
伊讲带侬赚米伊勿容易
伊老忙 伊只带侬 还要覅麻烦伊（我老忙哦 就带侬哦）
侬以为个白富美 高富帅 其实就是个抠脚大汉
打打字 拨侬幻想个画面 （带侬去周游世界 天天过情人节）
刚刚认得 叫侬老公或老婆 （呕）
瞎恶心称呼 但是侬已经脑子糊涂 （我碰到真爱了 伊哪能对我介好）
现在侬魂灵帮我生紧 千万注意 （注意）
点筹 彩金 聊天看到搿字眼就要离远点（听到伐）
再会 覅去睬伊 （太平点朋友 再会 侬帮帮忙哦）
啥520规划 1314规划 拨侬眼甜头 侬就昏了头
爱情 陷阱 汏把冷水面 揢亮眼睛 覅睏扁头 （朋友醒醒 覅做梦了）
拨侬发二维码 让侬登录 侬没办法通过其他app下载程序里寻着
一定要警惕 搿种网站肯定是勿安全个 （偷侬信息）
投资理财平台勿用手机注册 搿肯定是假个 （想想 哪能可能介便当）
大单 大双 小单 小双 大 小 极大 极小
聊天内容有搿眼字眼侬已经百分之百拨带进杀猪圈了
(hook）计一彪&Mr.weezy：
骗 （像只寿头） 伊讲个侬侪相信
骗 （像只寿头）捏鼻头做梦个爱情
骗 （像只寿头）突然出现熟悉个陌生人
骗 （像只寿头）一家一当帮侬清零
（outro）计一彪&Mr.weezy：
帮侬灌鸡汤 搭侬讲赚钞票多少好 覅嫌鄙各种麻烦个操作
要有耐心 安抚侬 钞票会慢慢进侬袋袋了 （放心 侬就准备好收钞票）
朋友 帮帮忙 世界浪从来没介便当个事体个 （钞票介好赚）
做啥侪靠自己努力去争取个
骗 （像只寿头） 伊讲个侬侪相信
骗 （像只寿头）一家一当帮侬清零
骗 骗 骗 骗 骗
专辑信息