歌词
第一段：
两百外冬前 背着希望和家私
过黑水沟 尹来自同安漳州永定
北海岸开始 到八连溪边
抱着谦卑 来面对自然环境
这个所在 古早号作 小鸡笼社
大屯山脚 坪仔田一埒一埒
赤脚行伫乌石仔迭的田岸
稻仔穗 伴着海风 丰收的歌声
八连溪分一半 河洛佮客人
拜的神明 生活方式 原本拢无仝
讲话腔口 一屏泉 一屏漳
长时间的交流 是愈来愈相像
五月节田头插金纸 拜土地公
田园来逗照顾 阮虔诚祈祷
挽茶阿桑嘴目笑 挨米机仔呼呼叫
大道公来到这 收成拢会特别好
二月播田时 田水冷吱吱
十月北风起 海雾散未开
第二段：
偎山做山 山顶生活无快活
收成爱换工 我帮汝 汝帮我
天气烧热 做佮大粒汗小粒汗
割稻仔饭 会当扒咧归落碗
并田 共小区变较大区
以早拢人工 后来会当用水牛
有个所在种稻仔 有个所在种地瓜
筊白笋 是今仔上介登时
归百年来 用心经营
成就人佮自然交流的美丽风景
加入世界贸易 无法度佮人竞争
产量未提升 政府教人来休耕
核电厂起伫附近 我问汝有啥福利
季风带来酸雨 稻仔袂结穗
最后归去 放予荒荒去
坪仔田的媠 渐渐予人放袂记
二月播田时 田水冷吱吱
十月北风起 海雾散未开
...
专辑信息