歌词
你若要聽我的故事
朋友 我對庄腳來
阿爸像祖先同款 歸世人討海
阿母守著田園 辛苦種作兼賣菜
我釘置廟埕跳家將 妻逃板弄結幫派
序大講猴囝你就愛思考 跟人讀冊做官舞錢財
言者諄諄 聽者藐藐
一個大風吹
結果阿爸煞無轉來
我行來海邊 陪伴阿母
阿母逐工思念伊
我講阿母天晚轉來休睏
伊失魂惦惦流珠淚
離開學校第三天 我決心欲打拼入工廠
腳踏實地來學手藝 心甘情願做黑手
逐工騎著速克達上下班 把七仔接送小姑娘
青春如歌亦快活 雙人牽手四界遊
有一天七仔反胃擱溢赤酸
憂悶我乎伊腹肚有身孕
我雙手甲伊覽緊緊
阿母說結婚
一定會歹竹出好筍
我行來海邊 向著海水
喊出阿爸的名字
報告阿爸
我欲組織小家庭
身邊愛人聽了目屎滴
九十八年事頭少 因為遇到社會無景氣
銀行束緊救命錢 頭家乎錢莊驚到走去避
我憂愁 但是假作無要緊
心內操煩睏袂去
尤其看著猴囝和水某睡身邊
莫非這世人注定做窮鬼
有一天水某講厝內攏無錢
我無夠溫柔煞大聲甲應
失業 我不敢來告知
猶原照起工上班 出門來海邊
我行來海邊 孤單一人
哭出心內的傷悲
向天向地 我捶心請問 有夢敢有美
我行來海邊 想空想縫 鬱卒無了時
雄雄聽著一聲
阿爸 我撿到兩仙錢(好 乖)
彼咧下午置海邊 我聞到人生的智慧
阿母 猴囝和水某 咱辛苦打拼免失志
专辑信息