歌词
编曲 / 董运昌
细汉有时 听着人咧讲起伊
几张相片 煞毋知伊伫佗位
嘛有一年 伊寄来一条围巾
佮一张卡片 写着平安 大汉顺序
一字一字写着我的名字
一日一日无阁看过伊
经过几若年 阮嘛真拍拼认真 煞袂赴等着伊 骄傲的面
有时 嘛会雄雄想着伊 伫成长的过程 渐渐惯势
有时风吹起 渐渐烧热的三月天 上山看伊 沿途的花开媠媠
行过身边 几个女朋友拢成伊
目睭大大蕊 嘛有倔强的个性
一字一字写着思念的诗
一日一日渐渐无要紧
四界走傱这几年 停落来过的生日 总希望我是伊 上骄傲的画面
有时嘛会偷偷仔想着伊 伫恬恬一个人的眠床顶
有时看家己 有淡薄仔生份甲熟悉 花谢花开 彼段悲伤已经过去
有时嘛会无注意放袂记 多谢成长的过程 予我独立
有时行转去 逐年烧热的三月天 山路敧敧 伊是上深的秘密
藏伫心内面 一句妈妈 我想你
制作人 / 董运昌
木吉他 / 董运昌
木贝斯 / 董运昌
曼陀林 / 陈子涵
手风琴 / 蔡伟靖
专辑信息