雪梅思君

正月算來春酒香 家家戶戶門聯紅

紅男綠女滿街巷 迎新正心輕鬆

只有雪梅心沉重 犧牲青春好花欉

為君立誓不嫁尪

甘願來守節一世人

2月算來陳神雷 山前山後草青翠

好命有尪伴相隨 賞風景心花開

講起雪梅上克虧 每日怨嘆流珠淚

一片純情全枉費

無緣份甲君來做堆

3月算來是清明 人人掃墓上山頂

雪梅抱子到墓前 墓桌上排三牲

見景又來想舊情 傷心目屎流沒停

郎君那通即僥倖

害著阮孤單過一生

4月算來春天後 無寒無熱風透透

雪梅心肝亂抄抄 想郎君情意厚

目屎已經不願流 一心望子會出頭

較苦也要來等候

甘願來拖磨到年老

5月算來扒龍船 河邊人馬亂紛紛

雪梅有子無郎君 對誰人來議論

當做註定的命運 迫阮空過好青春

一生伴子守家門

忍耐著滿腹的苦悶

6月算來是半年 農村收冬喜沖天

只有雪梅暗傷悲 又寂寞又空虛

坐在床前想彼時 暗中唱著斷腸詩

希望子兒會成器

表明著對君的情義

7月算來日頭燒 看見後庭樹落葉

雪梅堅心像鐵石 守清節無動搖

日日思君開聲叫 夜夜夢中看會著

名聲第一愛保惜

不願給閒人來恥笑

8月算來是中秋 人人賞月心清幽

雪梅目屎條目睭 怨舊恨嘆心愁

站在窗前對月娘 誠心誠意來懇求

千辛萬苦願接受

給子兒將來有成就

9月算來是重陽 拜祭亡夫情意重

一拜想起君面容 心又酸斷肝腸

這世甲君命相沖 恨天怨地啥路用

雪梅對君來參詳

望後世會通結成雙

10月算來秋風寒 為子補衫穿針線

窗外鴻雁雙做伴 引起人心空彈

鴛鴦已經來拆散 不願擱來嘆孤單

看子一年一年大

怎拖磨心也真快活

11月算來是冬節 手來搓圓心怨嗟

自嘆孤單子又細 目屎又滴落地

對子句句講訓話 勸伊認真來讀冊

管伊透風落霜雪

有立志成功無問題

12月算來過年關 柴空米盡心焦煩

遵守婦道心沒亂 冷寒餓也甘願

雪梅心內有打算 教子做人要正端

為非做歹萬人怨

做好事名聲萬世傳

End...