歌词
包邮
词：Mr.weezy&Tango Z&Nico&能嫩&老浙&尼克白&羽飞
曲：Mr.weezy&Tango Z&Nico&能嫩&老浙&尼克白&羽飞
编曲： 27 corazones beats&Abel Beats&鸡蛋先生
制作人：鸡蛋先生
录音：零壹公社&Tango Z&Nico&能嫩&老浙&尼克白&羽飞
混音：鸡蛋先生
出品：Head-Line
羽飞（宜兴）：
包邮 包邮 包邮 发到江浙沪今朝全场包邮
高楼 高楼 高楼 我要带我家人住进市中心高楼
再也勿拾漏拾漏 赚大钱畀妈妈去享受
做出好东西要交流 对我提出更高个要求
不管去点个地方 好东西兄弟分享
欣赏欣赏江南水乡 好坏覅你多讲
宜兴孛相 阿哥带你调殇亡
吃个茶嚼嚼四胡 帮我发发货
叉个麻将碰碰胡 从来不弃胡
坚持画图 茶壶 同我 脚步 同步
我坚持走我自家个路
Nico(嘉兴）：
走过，路过，先来看看嘉兴！
脑子稀里糊涂，伢全部自家人
宁波，上海距离介近
苏杭两州半个钟头全部摆挺。
东西南北文化拉平，
差勿多个言话发音
江南七颗星星辣一道亮晶晶，
拼只歌来畀你听听
宁海，海宁，萧山，嘉定，浦东，吴中，桐庐，宜兴
西湖，灵隐，乌镇，园林，上海，中心，宁波，海滨
通通包邮， 勿管啥个产品
搿种就是考究，勿卵红个眼睛
帮侬当个导游带了一帮懒人
个末跟牢一道听牢歌咾勿揿暂停！
小白（苏州）:
从嘉兴到 上海 苏州到杭州 跟我兄弟一道碰个面
勿管开车 还是坐高铁 江浙沪 接通 真个忒方便。
GDP 啥人侪要争个第一。 买点麦乳精 侪勿便宜
马云爸爸帮倷包个邮 带著大家一道创事业
喂 埃搭苏州 ok 寄个物事到上海 外滩 勿买单
一天就到 真个快个 节省辰光 继续孛相 勿用急哉
Wu 真个忒老L 江浙沪听我讲言话
平江路 山塘街 转个勿停
拙政园 沧浪亭 看看园林
老阿爹 河边上 吹着风 吃着茶 呼根烟 江浙沪 真个适意
三轮车 脚踏车 摩托车 背娘舅 马路上 弄堂里 开个勿停
听勿懂 听勿懂 勿碍紧 小伙子来苏州 要拎得清
听勿清 听勿清 勿碍紧 苏州人勿钻牛角尖
（杭州）
司务啊 我想问一声 乔家路来哪里
weezy（上海）:
大家侪住得近 交通方便
想去阿里侪可以
高铁两个钟头就搞定
江浙沪兜兜转转调心情
小白（苏州）
shawty shake you body
大家一道跳起来
能嫩（杭州）
陪你吃个葱包桧儿拷会儿
诶 我们抖抖科
weezy（上海）
苏杭天堂慢悠悠笃定
听口音 就分得清
会听勿会讲翎子侪拎得清
长三角侪自家人
上三代大多数侪辣上海打拼
小辰光隔壁宁波阿娘腌个臭冬瓜苋菜管
味道臭吃起来香
TangzoZ(副歌）：
全部都包邮
到你屋里向
吴语个故事当然要用吴语唱
全部都包邮
从东边起航
流传吴语文化个日记本
发货全世界跟我一道哼
weezy(苏北方言)：
辣上海可以听到各地方言的声音
苏北言话是上海缺少勿了声音
家里的情况你不是不晓得
冬天吃咸菜
夏天吃瓜皮
难板难板咸菜炒肉丝
苏北人 上海人叫我们江北人
上海的江北人多数来自盐城
上海的繁荣建设少不掉我们江北人
肯吃苦 耐劳 是江北人
最脏最苦的活 做的是江北人
我们是棚户区 闸北区的江北人
我太爷 爹爹在上海打拼的江北人
我们是自豪的江北人
阿拉是上海个江北人
江浙沪做生意脑子最灵光
羊毛出辣羊身浪
包邮第二天就送到侬屋里向
小姑娘 侬再勿嫁出去
爷娘急煞 伊拉也想拿侬包邮送出去
老浙（宁波）：
小来辰光吃丘隘咸齑还有忒多回忆
阿娘讲臭冬瓜吃多了会眼睛糊奇奇
我还勿晓得介好吃苋菜管是啥东西
只晓得人客来了买好眼下饭菜场来辣横溪
阿拉宁波人 阿拉宁波人
阿拉宁波人 要有宁波人个腔调
咸货豆腐脑 必须配上粢饭油条
穿雅戈尔衬衫 要穿雅戈尔西装
屋里有六套房子 因为拆迁拆掉
买眼奥克斯空调 搭其打打广告
昨日还来搭上海 今日又要飞去香港
还没回来 宁波朋友麻将已经约好
夜到已钞票赚落 夜宵还好吃饱
再去外滩坐上
麻将搭子老酒喝眼 再回屋里困觉
阿拉宁波人个钞票 勿会去斤斤计较
TangzoZ(副歌）：
全部都包邮
到你屋里向
吴语个故事当然要用吴语唱
全部都包邮
从东边起航
流传吴语文化个日记本
发货全世界跟我一道哼
能嫩（杭州）：
门铃来咚响 打开是weezy
他话太忙 让我帮忙寄快递
我话寄去哪里 当然是包邮区
开始跟牢节奏 填写快递信息
收件人没出现 地址老早在你心里
搿只歌希望大家 都听进去
宝石山上囥了我个宝贝
蕴藏着秘密千年不起波浪 你嫑背
小时光外婆教我画过一梗鱼
如今我仍在追寻自己 如影随形
用我个话语畀你写一封信
来自天堂个信件 隔天到你屋里 明天见
tangoZ(outro）
从上海宜兴到苏州 宁波嘉兴到杭州
把传统文化送到位 嫑管邮费贵不贵
我们用同一种腔调 就像弥漫每个地方个香料
我晓得你们想要 个就跟我跳跟我跳跟我跳
专辑信息
1.包邮