歌词
编曲 : 邱逸安
制作人 : 张三/曹雅雯
想着吐大气 讲着讲归暝
阁掀开往事的旧相片
细汉彼当时 古早的记持
总是愈想愈痛愈稀微
传统的家庭 保守的当时
重男阁轻女 算来无稀奇
父母望后生 偏偏不如意
伊的顶面有四个阿姊
对招弟来弟 到引弟带弟
换到伊 号名叫罔市
名虽然菜市 但是人盖媠
人拢讲伊是 万丹的西施
罔市生媠面肉白
迷倒归庄的少年家
偏偏罔市 老爸
管了真严阁歹性地
莫怪庄内的七仔亏
不时嘛唱歌共伊亏
只能回味 只能回味
罔市最难追
时间伫咧过 亲像风咧飞
愈大汉罔市愈美丽
爱钱的老爸 做主将伊嫁
可怜的婚姻像买卖
尪是有够花 阁有歹大家
这款的日子 实在无好过
日子无好过 日子仝款过
目一睨囝已经生两个
世事会轮回 好歹会轮替
彼年 尪生意煞出问题
为着欲照顾 厝内大佮细
只好出卖伊的面底皮
罔市生媠面肉白
伊是出名的众人迷
数想的人有够多
双手来拨拢拨袂退
想空想缝的人客
不时嘛唱歌共伊亏
来来来 请跟我举起杯
跟罔市 干杯
各种的风声 传甲真歹听
真紧就传到 尪遐
有影亦无影 啥人拢讲袂听
尪愈骂煞愈大声
双人的缘分 既然行到遮
不如切切咧较快活
罔市叹一声 目屎早就干
管伊女人是什么命
逐项拢无爱 只爱两个囝
是做人老母的心情
一旦若看破 心内无牵挂
转去后头过着新生活
伊是万丹的查某囝
转来万丹卖红豆仔饼
问伊日子过了按怎
伊是恬恬拢无出声
越头看伊彼两个囝
唱一条歌予家己听
红豆仔滚烂烂 红豆仔滚烂烂
怨叹嘛无较縒
红豆仔足韧命 风雨嘛拢毋惊
看破就无算啥
配唱制作人 : 张三
和声 : 黄丽星
和声编写 : 黄丽星
吉他 : 蔡科俊
弦乐编曲/谱务 : 邱逸安
低音管 : 简凯玉
双簧管 : 王怡静
长笛 : 邱逸安
第一小提琴 : 罗景鸿/林逸旻/杨境佳/陈镜宇
第二小提琴 : 李毅铭/吴芷轩/庄力颖/黄译萱
中提琴 : 袁绎晴/卢思璇
大提琴 : 蔡婉铃/陈仕杰
弦乐录音师 : 杨敏奇
弦乐录音助理 : 张闵翔/邱居正
弦乐录音室 : 九太排练录音棚
录音 : 张三
录音工作室 : AM Production
混音 : 张三
混音室 : AM Production
OP : AM Production
SP : Rock Music Publishing Co./Ltd.
专辑信息