歌词
ꉢꃰꐛꃅꉒꃴꅉꄓꇁꌠ
ꉢꁦꀑꏨꆉꃰꅉꈴꇁꌠ
ꉢꃮꁮꌟꃅꉻꑆꇁꀑꆺ
ꉢꁮꅰꌟꃅꉻꐂꇁꀑꆺ
ꉢꈌꐎꈬꂷꈋꅉꀽꇁꌠ
ꉢꐰꃅꈬꂷꑋꅉꍻꇁꌠ
ꉢꒉꑌꈭꀋꉆꈭꄉꇁꀑꆺ
ꉢꃪꑌꅂꀋꉆꅂꄉꇁꀑꆺ
ꋦꊿꈔꆽꋦꄡꂿꃋꌌꀐꆺ
ꐥꐨꐥꄻꆽꎭꈓꐰꇑꌌꀐꆺ
ꊿꂃꊿꄸꆽꎆꃀꀑꑊꅑꀐꆺ
ꌧꇐꂿꇐꆽꁱꂷꀑꑊꅑꀐꆺ
ꉢꀋꊭꀋꄐꈍꃅꌉꈿꂯꀑꇆ
ꉢꀋꍣꀋꁻꈍꃅꒉꈫꂯꀑꇆ
ꉠꑠꑤꂷꃅꎭꇂꁮꑌꌌꋺ
ꉠꑠꑤꂷꈌꋶꃆꄔꑌꋌꋺ
ꀒꉗ~
ꀋꈭꒉꌕꂡ
ꀒꉗ~
ꉢꉬꑌꄚꈭꇁꀒ
ꀒꉗ~
ꀋꅂꃪꌕꊐ
ꉢꉬꑌꄚꅂꇁꀒ
~~~~~~
ꉢꈌꐎꈬꂷꈋꅉꀽꇁꌠ
ꉢꐰꃅꈬꂷꑋꅉꍻꇁꌠ
ꉢꒉꑌꈭꀋꉆꈭꄉꇁꀑꆺ
ꉢꃪꑌꅂꀋꉆꅂꄉꇁꀑꆺ
ꋦꊿꈔꆽꋦꄡꂿꃋꌌꀐꆺ
ꐥꐨꐥꄻꆽꎭꈓꐰꇑꌌꀐꆺ
ꊿꂃꊿꄸꆽꎆꃀꀑꑊꅑꀐꆺ
ꌧꇐꂿꇐꆽꁱꂷꀑꑊꅑꀐꆺ
ꉢꀋꊭꀋꄐꈍꃅꌉꈿꂯꀑꇆ
ꉢꀋꍣꀋꁻꈍꃅꒉꈫꂯꀑꇆ
ꉠꑠꑤꂷꃅꎭꇂꁮꑌꌌꋺ
ꉠꑠꑤꂷꈌꋶꃆꄔꑌꋌꋺ
ꀒꉗ~
ꀋꈭꒉꌕꂡ
ꀒꉗ~
ꉢꉬꑌꄚꈭꇁꀒ
ꀒꉗ~
ꀋꅂꃪꌕꊐ
ꀒꉗ
ꉢꉬꑌꄚꅂꇁꀒ
ꀒꉗ
ꉢꄓꌠꄓꇁꃲ
ꄓꌊꏣꑟꎥꊋꀱꇁꀒ
ꀒꉗ
ꉢꀽꌠꀽꇁꃲ
ꇁꌊꐋꀨꀑꑊꇔꇁꀒ
专辑信息