歌词
日復日 朝九晚十到底為咗啲乜
最後一口嘅香煙喺個窗邊慢慢消失
時針分針又開始顯得焦急
佢最希望係播住最愛嘅唱片就這樣停止呼吸
就這樣消極 晴天霹靂
生命入面嘅平衡就早已消聲匿跡
就好似摩天大廈都早已變成瓦礫
佢只希望可以搵到希望 喺個罅隙
太多壓力壓逼 心裏面太壓抑
心愈係想去發力愈係打撠
係解唔開嘅結 逃唔過嘅劫
神來之筆幫唔到我寫上新一頁 根本無分別
面上嘅笑容總係帶點勉強
面上嘅皺紋總係話俾我知佢幾堅強
仇敵有幾咁無恥卑劣習慣順手牽羊
佢仍然知道邊條道路通往地獄 天堂喺天上
話我知 我要點做 If I die tomorrow
你要知 你要點做 If you die tomorrow x4
地上嘅所有 都毀於人嘅手
無得返轉頭 最要提防係人嘅口
為咗最無謂嘅嘢去深究 總有口實
目的係為咗製造爭鬥 要將你收拾
乜嘢嘅眼界 有乜嘢視野
判斷真相就睇個秤會向哪一面斜
應有嘅憐憫 佢當係施捨
只要保持到佢個遊戲規則 其他嘢 “I don’t care”
最陰毒嘅例子 永遠被當作勵志
要維持佢嘅位置 眾人嘅眼淚都只係瑕疵
當誇張嘅數字 變成日常
最短暫嘅一秒 都覺得漫長
距離有萬丈 現實同幻想交纏嘅腦
只有昏暗嘅街燈照亮住我嘅路
空氣變得稀薄當你爬得更高
寧為玉碎不作瓦存 殘喘喺糞土
話我知 我要點做 If I die tomorrow
你要知 你要點做 If you die tomorrow x4
专辑信息