歌词
Дунияны иги заманларындан,
Адамлыкъны, кишиликни атындан.
Жугъутурча бийиклеге базына,
Атлы барад, къарамайын ызына!
Акъ башлыгъы кюнде онгуп, саргъалып,
Жамычысы къарадан да къаралып,
Азаплыкъны ташларына абына,
Атлы барад, къарамайын ызына!
Атасыны осияты эсинде, кёлюнде,
Арымайды ахшылыкъгъа тартына, антына.
Атлы барад, къарамайын ызына,
Барады къарамай ызына.
Къууанады кёзю бийик таулагъа,
Жюрегин ол бермейди бир къаугъагъа.
Шорха сууну тынгылайды жырына,
Атлы барад, къарамайын ызына!
Ийнанмайды халкъ къуруп баргъанына,
Тилин, тинин унутуп къойгъанына.
Тау элине жолну тутуп, къызына,
Атлы барад, къарамайын ызына!
Атасыны осияты эсинде, кёлюнде,
Арымайды ахшылыкъгъа тартына, антына.
Атлы барад, къарамайын ызына,
Барады къарамай ызына.
Атасыны осияты эсинде, кёлюнде,
Арымайды ахшылыкъгъа тартына, антына.
Атлы барад, къарамайын ызына,
Барады къарамай ызына.