歌词
وأنا كل ماقوله يا قلبي خلاص انسي وسيبها وإمشي
يرجع يتغير يتحير يبدل حالي منامشي
مش عارف ليه تنساها؟
طب ما خلاص تستناها
مش دي اللي انت اتمنيتها كتير؟
وإديها فرصة يا قلبي يمكن من نفسها ترجع
واوعي يا قلبي تزهق وتروح
هتلاقي فين ضحكتها؟
دي لما بتيجي سيرتها
بترد فيك يا قلبي الروح
ويا حبيبتي فات سنين
إزاي لسه بحس بحنين؟
وليه بعادك عني طال؟
محتار قلبي في ١٠٠٠ احتمال واحتمال واحتمال
مش يمكن لسه انت حاببها ولسه على بالها هواك
أو يمكن دق الهوي بابها
مبقتش خلاص فاكراك
ماهو يا هنبعد ننساها
يا إمّا هنستناها
ماهي دي اللي انت اتمنيتها كتير
خليها بكيفها يا قلبي يمكن يوم شوقها يجيبها
أو هي تشاور وانت تروح
هتلاقي فين ضحكتها؟
دي لما بتيجي سيرتها
بترد فيك يا قلبي الروح
ويا حبيبتي فات سنين
إزاي لسه بحس بحنين؟
وليه بعادك عني طال؟
محتار قلبي في ١٠٠٠ احتمال واحتمال واحتمال
مش برضه يا قلبي كان كان المفروض ننسها إحنا الاتنين
إزاي متكونش بعيد ع القلب وهي بعيد ع العين
معرفتش يوم أنساها
وهعيش عمري أستناها
ما انت مخليني يا قلبي أسير
يا حبيبتي فات سنين
وأنا مستني تحسي بحنين
ليه بعادك عني طال؟
محتار قلبي في ١٠٠٠ احتمال
وأنا كل ماقوله يا قلبي خلاص انسي وسيبها وإمشي
يرجع يتغير يتحير يبدل حالي منامشي
وأنا كل ماقوله يا قلبي خلاص انسي وسيبها وإمشي
يرجع يتغير يتحير يبدل حالي منامشي
专辑信息