歌词
袂当公然采蜜的蜂
三更半暝阁伫花欉
花欉灯光暗淡
是灵魂内底
无出口的空
拍开光映映的花欉
有惊惶包装空虚的采花蜂
证件提出来
证明你清清气气的一世人
花蕊逐暝用酒精咧淋
淋出胭脂崁袂牢的空缝
兴到一半的采花蜂
犹阁困伫
袂赴回魂的青春梦
山顶的动物拢真可爱
为着生存咧相刣
善良的心意绞做伙
绞出险恶的社会
无人佮意为难啥人
咱拢是孤不而将咧劳动
证件提出来
欲按怎证明
你清清气气的一世人
花蕊逐暝用芳水咧崁
敢是花期已经无希望
醉生梦死的采花蜂
蜂岫内底
敢犹阁有心爱的人
随人有随人的都合
行到尾路
拢是无尾巷
随人有随人的向望
望到贴底
目箍已经红红红
随人有随人的疼痛
只䞐悲哀
逐家拢相
证件提出来
啥人有法度证明
伊清清气气的一世人
专辑信息