歌词
编曲 : 阿曼宝
ەركە سىلقىم كۇيى-كۇيشى ءابدىمومىن جەلدىبايەۆتىڭ ەل اراسىندا كەڭ تانىلعان كۇيى.
كۇيدىڭ شىعۋ تاريحي جونىندە كۇيشى سۇحباتىندا بىلاي دەيدى:
ءبىز دە بۇگىنگى جاستارداي جىگىت بولعانبىز. بويداقتىق ءومىردى باستان كەشتىك. اۋىلداعى توپ قىزداردىڭ اراسىنان جار تاڭدادىق. بۇل كۇيدىڭ كەيىپكەرى ومىردە بار. قايتەيىن تاعدىر ءبىزدى ءبىر-بىرىمىزگە قوسپادى. سوڭعى رەت كەزدەسكەندە مەن: ء”بارىبىر مەنىڭ ساعان دەگەن ماحابباتىمدى ەشكىم دە وشىرە المايدى“-دەگەن ەدىم. جاس ۇلعايىپ، شاۋ تارتتى دەمەسەڭ ول اۋىلدا امان-ەسەن ءجۇر. كوڭىل شىركىن قارتايمايدى ەكەن. سول ماحابباتىم قىز كەزىندە قانداي ەدى! ”تولعان ايعا“ تەڭەسەم دە، ”اشىلعان گۇلگە“ تەڭەسەم دە سوزبەن ايتىپ جەتكىزە المايتىن سەكىلدى بولىپ، سەندەلىپ ۇزاق ءجۇردىم. اقىرى ونى تەك كۇيدىڭ جۇرەك قىلىن شەرتەتىن اۋەنىمەن عانا جەتكىزۋگە بولاتىنىن سەزدىم. سول سەزىم جانىمدى جاۋلاپ الدى. ”ەركە سىلقىمنىڭ“ اۋەنىن تاپقانشا 20 جىل ۋاقىتىم كەتتى. قازاقتىڭ قىزدارى قانداي ادەمى. ءجۇرىسى، تۇرىسى، قىلىقتارى قانداي! ەركەلىكتەرى دە وزدەرىنە جاراسادى. بۇل كۇي بارشا قازاق قىزدارى وبرازدارىنىڭ جيىنتىعى. مەن سولاردى جەتكىزۋگە تىرىستىم. ءارى جىگىتتىك سوزىمدە تۇردىم. ەندى ونى ەشكىم دە وشىرە المايدى. ەگەر ماحابباتىما دەگەن سەزىمىم جالعان بولسا، قازاقتىڭ قىزدارىن وزگەلەردەن ارتىق كورمەسەم مۇنداي كۇي تۋماس تا، ەلدىڭ يگىلىگىنە اينالماس تا ەدى
— ءابدىمومىن جەلدىبايەۆ
专辑信息