歌词
كوڭىل تولقىنى – قازاق كومپوزيتورى، دومبىراشى، كۇيشى – سەكەن تۇرىسبەكوۆ شىعارعان كۇي. بۇل كۇي تاعدىر تالكەگىنە تۇسكەن كەزدە دۇنيەگە كەلگەن. «كوڭىل تولقىنى» 1985-87 جىلدارى تۋعان.
كۇي بىردەن كوپشىلىكتىڭ ىستىق ىقىلاسىنا بولەنىپ، كەڭىنەن تارالادى. ءتىپتى، الىس-جاقىن شەتەلدەگى جۇرتشىلىق كۇيدى تىڭداعان بويدا ونىڭ اۆتورىن ىزدەستىرىپ، كۇيدىڭ شىعۋ تاريحىنا بىلگىلەرى كەلەدى. جاپوندىق تىڭدارماندار كۇي اننوتاتسياسىن سۇراعان كەزدە، اۆتور ىشتەگى ورنى تولماس، وكىنىشتى سىرتقا شىعارماس ءۇشىن «بۇل كۇي «نيەۆادا-سەمەي» قايعىسىنا ارنالعان ەدى» دەپ قويا بەرگەن. سەكەن تۇرىسبەكوۆ «كوڭىل تولقىنى» كىتابىندا بىلاي دەپ جازادى: «كۇيدىڭ وزەگىندە اكەنىڭ ورنى تولماس وكىنىشى مەن وكسىگى جاتىر. «كوڭىل تولقىنى»-وزىنە دەيىنگى ۇلى كۇيشى-سازگەرلەردىڭ رۋحاني جالعاسى بولعانىمەن، ىشكى تابيعاتى مۇلدە بولەك، جۇرەك قىلىن دىرىلدەتە شەرتەر كۇشى بار، تىڭداۋشىسىن وي مەن سەزىم تۇڭعيىعىنا تارتاتىن تۋىندى».
专辑信息