和谐杂多

和谐杂多

作词:洛松欧珠

作曲:阿德 青梅才仁

演唱:朋措旺加

编曲:旦正才让

说唱:康巴央赛

和声:geran俄宝

和声编写:geran俄宝

录音:阿拉耶传媒有限公司.阿迪

后期:古格传媒.七歌

ཚིག：བློ་བཟང་དངོས་གྲུབ།

དབྱངས：ཨ་ཏུ་མཆི་མེད་ཚེ་རིང་།

ལེན་མཁན：ཕུན་ཚོགས་དབང་རྒྱལ།

རོལ་དབྱངས་སྒྲིག་སྦྱོར་བ:རྟམ་འགྲན་ཚེརིང་།

ཁ་བཤད：ཁམས་པ་དབྱངས་སྲས།

མཉམ་ལེན:འགར་ར་ཨོ་སྤུག།

མཉམ་ལེན་་སྒྲིག་སྦྱོར་བ:འགར་ར་ཨོ་སྤུག།

སྒྲ་ལེན་པ :ཨ་ལ་ཡེ་སྒྲ་སྙན་སྒྲིག་སྦྱོར.ཨ་ཏིས

སྒྲིག་སྦྱོར་བ：གུ་གེ་སྒྲ་བརྙན།

བརྡ་ཁྱབ་ཇུས་འགོད：བོད་ཕྲུག།

༡ རྩ་ཐང་མེ་ཏོག་གིས་རྒྱན་པས།

དགེ་རྒྱལ་ལྷ་ཡུལ་དང་འདྲ་སོང་།

རྫ་ཆུ་ཤང་ཤང་དུ་འབབ་པས།

དགེ་རྒྱལ་ཀླུ་ཡུལ་དང་འདྲ་སོང་།

གཡང་ནོར་ས་གཞི་ལ་ཁྱབ་པས།

དགེ་རྒྱལ་བང་མཛོད་དང་འདྲ་སོང་།

ཁ་བཤད：ཁམས་པ་དབྱངས་སྲས།

རྫ་སྟོད་རྫ་གཞུང་།  ནོར་ལུག་འཚོ་བཞིན། འབྲོག་གླུ་སྙན་མོ་ལོངས་ཤོག

རྫ་ལམ་འགྲིམ་ཞོར།  རྫ་ལ་རྒྱག་ཞོར།  བླ་མ་ནོར་ལྷ་བསྟོད་ཤོག

རྫ་སྟོད་འབྲོང་ཆུང་།    རྫ་སྨད་ཤྭ་བ།      ཤྭ་འབྲོང་མཉམ་དུ་རྩེ་ཤོག

རྫ་ཆུའི་སྟོད་ཀྱི། བྲེ་སེར་འབྲོང་ཆུང་། རུ་ཐུར་ཡར་ལ་ངོམ་ཤོག

རྫ་ཆུའི་སྨད་ཀྱི། ཤྭ་བ་ཡུ་མོ། རྩེད་གར་སྤང་ནས་འཁྲབ་ཤོག

ཨོ་………དགེ་རྒྱལ་གནས་མཆོག་མཛེས་པའི་རི་མོ་འདྲ།

རྫ་ཆུ་མགོ་ཁུངས་ཞི་མཐུན་གནས་གྱི་མཆོག།

སྐྱིད་པའི་གནས་ལ་ཞི་འཇལ་མཛེས་སྡུག་མངོན།

འགྲོ་བའི་གནས་ལ་སྤྲོ་བའི་འབུམ་ལྡན་བསུ།

༢ སྦྲ་ནག་སྤྲན་དཀར་གྱི་རྒྱན་པས།

དགེ་རྒྱལ་རྨི་ལམ་དང་འདྲ་སོང་།

སྦྲང་ཆར་ས་གཞི་ལ་འབབ་པས།

དགེ་རྒྱལ་མཛེས་རིས་དང་འདྲ་སོང་།

གཞོན་ནུ་ཤེས་རིག་གིས་བརྒྱན་པས།

དགེ་རྒྱལ་མི་ཡུལ་ན་མཛེས་སོང་།

ཁ་བཤད：ཁམས་པ་དབྱངས་སྲས།

རྫ་སྟོད་སྤྲོ་བཞིན། དབྱར་རྩྭ་བརྐོ་བཞིན། དགེ་འབྲོང་སྐོར་བྲོ་འཁྲབ་ཤོག

རྫ་ཆུ་འཐུང་ཤོག     རྫ་འགོ་འགོས་ཤོག     རྫ་ནག་རི་རྒན་བསྟོད་ཤོག

རྫ་སྟོད་ཕོ་གསར།     རྫ་སྨད་མོ་གསར།    ལག་པ་དེ་གནམ་ལ་ཀྱོག་ཤོག

རྫ་རྫ་ཆུའི་སྟོད་ཀྱི་རྫ་གཞུང་ཕོ་རྒོད་སྟོབས་ཤུགས་དེ་ཕྱིར་ལ་ངོམ་ཤོག

རྫ་ཆུའི་འགྲམ་གྱི་བུ་མོ་མཛེས་མ་འཛུམ་མདངས་ཕྱིར་ལ་སྟོན་ཤོག

ཨོ་………དགེ་རྒྱལ་གནས་མཆོག་མཛེས་པའི་ཤམ་བྷ་ལ།

རྫ་ཆུ་འབབ་རྒྱན་མེས་པོའི་ལོ་རྒྱུས་གསལ།

སྐྱིད་པའི་གནས་འདིར་ལང་ཚོའི་མེ་ཏོག་བཞད།

འགྲོ་བའི་གནས་ལ་བདེ་སྐྱིད་ཉི་གཞོན་བསུ།

འགྲོ་བའི་གནས་ལ་བདེ་སྐྱིད་ཉི་གཞོན་བསུ