歌词
風流天子之天香館留宿
唱：尹光 / 胡美儀
曲：古曲
詞：蔡衍棻
監：羅燊榮
卿家
吓
小心啲行呀
我會㗎啦主上
嗱嗱嗱 上石級啦 上石級啦
唉吔 主上你重乜成日唧人㗎啫
哈我習慣手勢
蕉皮蕉皮
我驚跌親你個菠蘿蓋呀
呢呢 共你攜手到天香
我共你飲杯 為至上咯
正所謂飲教微醉 咁至有商量
自古話 醉月 醉月飛觴
咁至情快暢
趁住燈紅酒綠意飛揚
如此風月 風月良宵
少不了葡萄佳釀
主上 你何必以酒為鄉
我亦愧無滄海量
你謙啫
自古話 酒為毒藥
邊個話
可穿腸
你飲少啲咪得囉
莫令酒迷我呢個愚宰相
不容酒誤我地個好君王
錦繡河山宜永享
望就緊係咁望啦
試問風流天子
乜你知道我風流咩
有幾個國運能長
今日天下都太平
有福就要君臣嚟共享
嚟啦 嚟啦 聽下話啦
咪掃興呀 飲杯先
我唔曉飲酒㗎主上
嗱 密斟啲 斟密啲 咪幾好
同歡暢 同歡暢
兩家醉後又歌唱
明堂甜美非常
我之所以愛明堂
你是玫瑰幾咁動人
王心終日向
亂言亂語多怪象
酒不應醉 歌不應唱
九五尊為何入醉鄉
消下愁 齊齊沉醉一場
醉左走去舞霓裳
我願留你今晚同床
尤為歡暢
嘻嘻
卿家 孤皇都有啲醉醉地㗎啦噃
不如咁呢 我地今晚君臣同床共宿都好啩
唉 主上 你係君我係臣呀
係呀
點可以同床共宿呢
唔怕呢
佢詐醉來調戲
完全唔像帝王 我好心慌
嘻嘻過黎共我講啦
何必對王咁端莊
越講你越奇
我要歸家往敬乞明君恩諭降
不准
今晚天香情調美
一定都要同床
我表示愛賢臣
替你脫下麒麟蟒
君前不露體
為怕過刀亡
天香館地必須離
有話留回金殿講
唓 金鑾大殿咁多文武百官
點講呀 係呢度講好啲
唔怕哩
唔好哩
都話唔怕哩
(皇后到)
唉吔 皇后到無哂行啦
宮監一聲傳皇后到
我呢個風流皇帝眼光光就冇哂行
謝天謝地
专辑信息