La Universala Arbo

Profundas la radik' en ter',

Mi estas ar', mi estas er'

Mi estas arb', gracie mi,

kortuŝas la homojn tra la anim'

Mi verdas en foli-surtut',

mi estas part', mi estas tut'

Mi estas arb', kaj ties fort',

mi altas tre, mi vidas for

Ros' kovras min dum la maten',

mi simple kreskas sen ajna pen'

Mi estas arb', kaj ties pov', mi estas blov',

mi estas mov'

Poet' mi estas, kaj la poem',

mi loĝas en lum', jen mia hejm'

Rigardas mi sur la pejzaĝ'

kun mil folioj kiel vizaĝ'

Mi loĝas en lum', jen mia hejm',

poet' mi estas, kaj la poem'

Mi estas viv' en tiu arb',

mi estas lum' kaj la rigard'

Folioj lumas en mia rond',

mi brilas sur la tuta mond'

Videblas mi, de ĉie ajn

mi vidas vin, vi vidas min

Mi estas flam' de ena kresk'

mi lumas de profunda est'

Ankrumis en la ter' radik',

florflugis sem', jen la efik'

mi estas arb', kun brila bel',

mi estas arb', mi estas ben'

Poet' mi estas, kaj la poem',

mi loĝas en lum', jen mia hejm'

Rigardas mi sur la pejzaĝ'

kun mil folioj kiel vizaĝ'

Mi loĝas en lum', jen mia hejm',

poet' mi estas, kaj la poem'

Mi estas flor' de tiu arb',

mi estas bird', mi estas ard'

Odoras mi per ĉiu flor',

mi estas lum', kaj ties glor'

Mi estas kant' de la esper'

kaj la odor' de la vesper'

Mi estas font' de arba viv',

vi jen en mi, kaj mi en vi

Jen fora stel' atingas min,

mi estas lun', lun' estas mi

Mi estas lum', lum' estas mi

arb' estas vi, vi estas mi.

Poet' mi estas, kaj la poem',

mi loĝas en lum', jen mia hejm'

Rigardas mi sur la pejzaĝ'

kun mil folioj kiel vizaĝ'

Mi loĝas en lum', jen mia hejm',

poet' mi estas, kaj la poem'

poet' mi estas,

kaj la poem'

poet' mi estas,

poet' mi estas,

kaj la poem'

poet' mi estas,

poet' mi estas,

……