歌词
Шынымен-ақ кеткенім бе шарықтап?
Жас балаша тұрмын ба әлде шалықтап?
Көз алдымды мұнарлады-ау ыстық жас,
Қайтадан бір қарайыншы анықтап.
Бір кездері секілді еді алып тау,
Биік төбе аласарып қалыпты-ау.
Басындағы әз бабамның бейітін
Енді бүгін қиын боп тұр анықтау.
Көрген сайын көңіл кірі аршылар,
Әркімнің-ақ туған жері бар шығар.
Бірақ, маған сенсіз әлем тар шығар,
Сағынышым ыстық жас боп тамшылар.
Туған жерім – сағынышым сарғайған,
Құстай ұшып келем саған шалғайдан.
Жібек желің еркелетіп, елітіп,
Жылы леппен сүйіп жатыр маңдайдан.
Шынымен-ақ кеткенім бе шарықтап?
Жас балаша тұрмын ба әлде шалықтап?
Көз алдымды мұнарлады-ау ыстық жас,
Қайтадан бір қарайыншы анықтап.
专辑信息