หลานติดไลน์ ยายติดเฟส

(ยาย) อีนาง อีนาง มาเบิ่งโทรศัพท์ให้ยายแน ยายกำลังหัดเล่นเฟสเล่นไลน์ ยายบ่เข้าใจภาษาวัยรุ่นของมัน

ฟรุ้ง ฟรุ้ง ฟริ้ง ฟริ้ง มุ้ง มุ้ง มิ้ง มิ้ง ตะมุตะมิ โอ้ยจั๊กภาษาอีหยังของมัน งง เด้ งงเด้

(หลาน) จ้ายายหนูเล่นไลน์กับผู้บ่าวอยู่ กำลังเข้าด้ายเข้าเข็มเลยละยายมานี้ มานี้ หนูสิเบิ่งให้ แนะไลน์ผู้บ่าวเข้ามาอีกแล้ว

(หลาน) โอ้ยจังแม่นยายนี่ จั๊กแม่นว่าอีหยัง ห้วยมาเป็นตาซัง มายุ่งยากแท้น้อเสียเวลาเล่นไลน์ แม่นคุณยายฮู้บ่ บ่เข้าใจ หยังน้อ ถามมาสิเล่าให้ฟัง ถามถามมาสิเล่าให้ฟัง

(ยาย) จังว่าภาษายุคใหม่ยายบ่เข้าใจอธิบายเบิ่งดู ลั้ลลานั้นแปลว่าว่าหยังลองเว้าให้ฟังได้ปะล่ะสู ฟรุ้งฟริ้ง มุ้ง มิ้ง กะงง สุดยอดบอกตรงคืองงเท้บู่ ตะมุตะมิบ่เข้าใจ โอ้ยคิดหลายจังแม่นยายอยากฮู้ ตะเองนั้นกะคือกันในเฟสยายนั้นส่งมาดูดู แคปเจอร์ยายกะอยากฮู้ สายเปย์ยายกะอยากฮู้ บอกมาเบิ่งดูมันแปลว่าหยัง บอกมาเบิ่งดูมันแปลว่าหยัง

(หลาน) โอ้ยจังแม่นยายนี่เฒ่าล่ะกะทันสมัยติดเฟสจนเป็นปัจจัย ขาดบ่ได้เลยเนาะ เคี้ยวหมากกะยังเล่นเฟสฟังพระเทศน์กะเล่นเฟสอยู่น้อ สังคมก้มหน้ายายขอ สาวเหลือน้อยละขออ่อยนำเฟส สาวเหลือน้อยละขออ่อยนำเฟส

(ยาย) *ซุ่มสูกะเล่นแต่ไลน์ จักขาลายดากลายท้องลาย ถ่ายรูปว่าแม่นลิงขึ้นหมากพร้าว สะแตกเหล้าขาวส่งผู้บ่าวทางไลน์ เพลสะโตโหลดมาไว้หลายหลาย เพลสะโตโหลดมาไว้หลายหลาย แต่งดีเอาฮ้ายเฮ็ดให้ผีเป็นคน แต่งดีเอาฮ้ายเฮ็ดให้ผีเป็นคน โอ้ยจักแม่นสูคักแท้น้อ

(หลาน) ดิฉันนั้นชอบเล่นไลน์ ดิฉันนั้นชอบเล่นไลน์ (ยาย) แต่ว่ายายนั้นมักเล่นเฟส

(หลาน) มันมีสาเหตุทั้งไลน์ทั้งเฟสมีคุณและโทษ จำไว้ให้ดีเพื่อนพองน้องพี่ใช้ถึกประโยชน์

(พร้อมกัน) เฟสไลน์มีคุณและโทษทุกท่านได้โปรดพิจารณา ทุกท่านได้โปรดพิจารณา

(ยาย) โอ้ย ทันสมัยบ่พี่น้อง ทุกมื้อนี้ถ่ายทอดสด เห็นหน้ากันพร้อม ใครดำนาอยู่ก็เห็นกัน ออนซอน

(ซ้ำ *)

(ยาย) ออนซอนเด้ลาเด้ กูย่านแต่สู ปล่อยงูมาหากูนั่นละหว๊า โอ้ยทันสมัยแท้หล่า โอ้ย...เอาหลานก่อนเด้อหล่าเด้อ ไปก่อนผู้บ่าวยายมาแล้ว