歌词
Napule
Nun c'é balcone senza sciure e rrose
Nun c'é figliola senza 'o pizzo a rrisa
Nun ce sta core ca nun dice trase
E arape 'e braccia pure a chi è scurtese
Chisto è 'o paese mio, chisto é 'o paese
Napule, sole mio
Tu luce dint' 'a ll'uocchie 'e tutt' 'o munno
Cosa nun vista maje
'Na primmavera sì, pure si é autunno
Napule, sole mio
Tu lieve ll'odio e miette 'a passione
Sulo cu 'nu mutivo 'e 'na canzone
Napule
Tu può dà pace a chi nun tene pace
E daje 'a 'na vocca 'nu felillo 'e voce
Si è 'ntussecuso 'ammore, è pe 'nu poco
Quanno è celeste 'o cielo ca t' 'o ddice
Io voglio a casa mia gente felice
Napule, sole mio
Tu lieve ll'odio e miette 'a passione
Sulo cu 'nu mutivo 'e 'na canzone