歌词
ਮੈਂ ਘਾਹ ਹਾਂ
ਮੈਂ ਘਾਹ ਹਾਂ
ਮੈਂ ਤੁਹਾਡੇ ਹਰ ਕੀਤੇ ਕਰਾਏ ਤੇ ਉੱਗ ਆਵਾਂਗਾ
ਮੈਂ ਘਾਹ ਹਾਂ
ਬੰਬ ਸੁੱਟ ਦਿਓ ਭਾਵੇਂ
ਵਿਸ਼ਵਵਿਦਾਲੇ ਤੇ
ਬਣਾ ਦਿਓ ਹਰ ਹੋਸਟਲ
ਮਲਬੇ ਦੇ ਢੇਰ
ਸੁਹਾਗਾ ਫੇਰ ਦਿਓ
ਬੇਸ਼ਕ ਸਾਡੀਆਂ ਝੁੱਗੀਆਂ ਤੇ
ਮੈਨੂੰ ਕੀ ਕਰੋਗੇ
ਮੈਂ ਤਾਂ ਘਾਹ ਹਾਂ
ਹਰ ਚੀਜ਼ ਢੱਕ ਲਵਾਂਗਾ
ਹਰ ਢੇਰ ਤੇ ਉੱਗ ਆਵਾਂਗਾ
ਬੰਗੇ ਨੂੰ ਢੇਰੀ ਕਰ ਦਿਓ
ਸੰਗਰੂਰ ਨੂੰ ਮਿਟਾ ਦਿਓ
ਧੂੜ ਚ ਮਿਲਾ ਦਿਓ
ਲੁਧਿਆਣੇ ਦਾ ਜ਼ਿਲਾ
ਮੇਰੀ ਹਰਿਆਲੀ ਆਪਣਾ
ਕੱਮ ਕਰੇਗੀ
ਦੋ ਸਾਲ
ਦਸ ਸਾਲ ਬਾਅਦ
ਸਵਾਰੀਆਂ ਫੇਰ ਕਿਸੇ ਟਿਕਟਕਾਰ ਤੋਂ ਪੁਛਣਗੀਆਂ
ਇਹ ਕੇਹੜੀ ਥਾਂ ਏ
ਮੈਨੂੰ ਬਰਨਾਲੇ ਉਤਾਰ ਦੇਣਾ
ਜਿੱਥੇ
ਹਰੀ ਘਾਹ ਦਾ ਜੰਗਲ ਹੈ
ਮੈਂ ਤਾਂ ਘਾਹ ਹਾਂ
ਮੈਂ ਆਪਣਾ ਕੰਮ ਕਰਾਂਗਾ
ਮੈਂ ਤੁਹਾਡੇ ਹਰ ਕੀਤੇ ਕਰਾਏ ਤੇ
ਉੱਗ ਆਵਾਂਗਾ