រូបស្រីជាដួងចិត្តបង

ចង់ក្រសោប ស្ទុះឱបអូនឥឡូវ សម្លឹងយូរៗទៅ ឃើញពៅល្អដូចផ្កា

រីកសែនស្រស់ សម្ផស្សដូចទេពកញ្ញា ភ្នែកមុតធ្លុះចិន្តា ថ្ងៃណាបានកៀកកើយ

ច័ន្ទភ្លឺហើយ នៅឡើយមិនស្មើរអូន រស្មីស្រស់ស្រទន់ គួរគន់មិនឈប់ឡើយ

ពេលជួបជួន វិញ្ញាណភ្លឹកភ្លាំងអស់ហើយ

ចង់សួរឱ្យអូនឆ្លើយ កម្មអ្ហើយស្តីមិនរួច

នេះហើយគឺជាមន្តស្នេហ៍ នឹករឹតទ្វេ រឹតតែគួចស្នេហ៍ គ្មានពេលភ្លេច

ចិត្តបំណង ប៉ងនៅជាប់ជានិច្ច ទន្ទេញគ្មានភ្លេច គ្មានភ្លេចចាំតែរូបស្រី

បងប្តេជ្ញា ប្រាថ្នាតែអូនមួយ អូនអ្ហើយអូនកុំព្រួយ កុំព្រួយណាចរណៃ

ស្លាប់ឬរស់ បងស្មោះលុះគ្រាក្សិណក្ស័យ

បងមិនភ្លេចទេថ្លៃ រូបស្រីជាដួងចិត្តបង

នេះហើយគឺជាមន្តស្នេហ៍ នឹករឹតទ្វេ រឹតតែគួចស្នេហ៍ គ្មានពេលភ្លេច

ចិត្តបំណង ប៉ងនៅជាប់ជានិច្ច ទន្ទេញគ្មានភ្លេច គ្មានភ្លេចចាំតែរូបស្រី

បងប្តេជ្ញា ប្រាថ្នាតែអូនមួយ អូនអ្ហើយអូនកុំព្រួយ កុំព្រួយណាចរណៃ

ស្លាប់ឬរស់ បងស្មោះលុះគ្រាក្សិណក្ស័យ

បងមិនភ្លេចទេថ្លៃ រូបស្រីជាដួងចិត្តបង