歌词
I nitten hujer å tre å tres, bløv haj jyvt å fæek-e huvs
No lejer haj ållere-æ her, åjjer gravstien å buksbom å grus.
Haj var såntj i nydelig årnlig maej, hans kuen var en statelig kuen
De håelt djær huvs i så pæen en
Staej, å de skyelt intj en kroen te noen.
Men i fornuftens laej er himlen gro,
å trajjeren smo, å fovlen seer ejenting.
De kaldt hinaen for mor å faer, de skæntes så sæej intj
Åel såe de var såntj-e nydelig par, de sopliere hinaen så fint.
Haj reest sæ hvar måen kvartier
øvver syv, kort ætter fungiere hans maev
Haj var så præcis mæ åltj i hans
Lyev, å no lejer haj her i hans graev.
For i fornuftens laej er himlen gro,
å trajjeren smo, å fovlen seer ejenting.
Som dreng da væest haj hva haj vil
Væer, han vil styer en vældig stuer kran
Haj æent som halvskallet funktionær ve Almind'lig Brand.
Haj stæemt på LA* hvaer gåeng dar var vael, for haj hae jo huvs å bil
Å mæ åltj det skat haj sku betåel, var haj nøej te å teenk på sæ siel.
For i fornuftens laej er himlen gro,
å trajjeren smo, å fovlen seer ejenting.
Nær haj kam hjem frå dagens dont, så set haj sæ mæ i kop te
Så dække avisen hans horisont, mens kvåen stu i gångi å græe.
I weekenden lo haj sæ båer træek, ru
Ntj om huvst mæ hans græsslomaskien
Å kam dar-e kvejmeesk så topløs å
Fræk, haj vil intj ha' fortrukket en mien.
For i fornuftens laej er himlen gro,
å trajjeren smo, å fovlen seer ejenting.
Så te siest stak kvåen ham nier mæ i
Knyev, men hon bløv fritjej for mord
For såvidt maj ku sitj,
Ha' haj intj vat i lyev i de siest femten-seksten oer.
Haj paest hans job ve Almind'lig Brand, men hjernen fungiere intj mier
Dar var kon no fo reflekser ijan, så på en måe var det her osse bier.
For i fornuftens laej er himlen gro,
å trajjeren smo, å fovlen seer ejenting.
(*Liberal Alliance)