歌词
Kana ndichishaura, batai mazwi
Kuitira mangwana
Kana ndichishaura, batai mazwi
Kuitira mangwana
Vamwe vanozodudzira nepasipo
Vamwe ndevanofamba vachiti hazvisi zvake
♪
Vamwe vanozodudzira nepasipo
Vamwe ndevanofamba vachiti hazvisi zvake
♪
Asi, chakana chakana ngatirumbidzei
Hama, handireve kana kuvenga munhu
Asi ndinoshaura zviitiko zvenyika
♪
Saka chakanaka chakanaka ngatirumbidzei
Hama, mamwe maitiro anoyemurika
Asi mamwe maitiro anoshoreka
Hanzi kumwe kuzvara chokwadi kunodadisa
Asi kumwe kuzvara chokwadi kunoparira
Kumwe kuzvara, hama, kunodadisa
Asi kumwe kuzvara chokwadi kunoparira
♪
Hanzi ndakamurera mwana wangu woga
Mumwe chete sezai regondo
Hanzi ndakamuyarutsa mwana wangu woga
Mumwe akadai sezai regondo
Hanzi ndaigwadama mabvi ne ma gokora zuva nezuva ka kuvachengeti
Hanzi ndaigwadama mabvi ne magokora zuva ne zuva ka kuvachengeta
Ndikati Samatenga,
Tarirai nhiyo yangu iyi, nerimwe zuva richave jongwe
Mambo wangu, tarirai nyenye yangu nerimwe zuva, ichave nongo
Tenzi wangu, tariraiwo mhuru yangu, nerimwe zuva, ichave handira
Nhamo yandakaona chitaurirwa hama
Mvemve ne nyatera ndokwakave kupfeka kwangu
Ndakange ndotosemesa kudya neni mundiro imwe
♪
Mwana ndakamuyarutsa nemari yemusika
Maricho nezvikwereti mumana muno
Ndaitika chirere chichazokurerawo
Akura zvake mwana ave kuzviwonera
Nhasi opembera nenyika yeZimbabwe
Ini ndinongotamburawo nanhasi
♪
Ko kana ndikarwara ndiri ndega, unonzwa naniko mwanangu kani?
Ungazofare here ukawana ndave rinda, zvaunodai kurova, mwanangu?
Ungazofare here ukawana ndave rinda, zvaunodai kurova, mwanangu?
Ziva midzi yako, mwanangu kani
Ziva kwawakabva, iwe mwanangu kani
Dzamisa ndangariro uringe shure kwako
Ziva midzi yako, mwanangu kani
Hanzi nzombe huru yakabva mukurerwa
Ziva midzi yako mwanangu kani
Nhasi zvinondinetsa ndozviudza aniko?
Zvandaiti ndiwe baba vemangwana
Ini zvinondinetsa ndozviudza aniko?
Zvandaiti ndiwe baba vemangwana
Ziva midzi yako, mwanangu kani
Ziva kwawakabva, iwe mwanangu kani
Dzamisa ndangariro uringe shure kwako
Ziva midzi yako, mwanangu kani
Hanzi nzombe huru yakabva mukurerwa
Ziva midzi yako mwanangu kani
♪
Unoda kutanga nekutenga ndege, here nhai mwanangu chokwadi?
Unoda kutanga tenga chitima here nhai mwanangu chokwadi?
Zvimwe unoda kutenga ngarava togofamba nemumvura, mwanangu
Ziva midzi yako mwanangu kani
Ziva kwawakabva iwe mwanangu kani
Dzamisa ndangariro uringe shure kwako
Ziva midzi yako mwanangu kani
Hanzi nzombe huru yakabva mukurerwa
Ziva midzi yako mwanangu kani
Hanzi nzombe huru yakabva mukurerwa
Ziva midzi yako mwanangu kani
Nhasi zvinondinetsa ndozviudza aniko?
Zvandaiti ndiwe baba vemangwana
Ini zvinondinetsa ndoviudza aniko?
Zvandaiti ndiwe baba vemangwana
Wadarireiko mwanangu?
Wadarireiko mwanangu?
Wandipa kuchema mwanangu
Wandipa kusviba mwanangu
Mwanangu, usakanganwe
Mwanangu, zvinyore mu hana
Mwanangu, uhu hupenyu
Mwanangu, tiri huruva
Mwanangu, uhu hupenyu
Mwanangu, tiri huruva
♪
Kutapira kwemuchero, mwanangu, kwakabva nemukaruva, mwanangu
Kutapira kwemuchero, mwanangu, kwakabva nemukaruva, mwanangu
Kukuridza kwejongwe, mwanangu, raimbove zanda, mwanangu
Kukuridza kwejongwe, mwanangu, raimbove zanda, mwanangu
Mwanangu, usakanganwe
Mwanangu, zvinyore muhana