Vaishnav Jan To

વૈષ્ણવ જન તો તેને કહિયે જે પીડ પરાઈ જાણે રે

વૈષ્ણવ જન તો તેને કહિયે જે પીડ પરાઈ જાણે રે

પર દુ:ખે ઉપકાર કરે તો યે મન અભિમાન ન આણે રે

વૈષ્ણવ જન તો તેને કહિયે જે પીડ પરાઈ જાણે રે

♪

સકળ લોકમાં સહુને વંદે, નિંદા ન કરે કેની રે

વાચ કાછ મન નિશ્ચલ રાખે, ધન ધન જનની તેની રે

વૈષ્ણવ જન તો તેને કહિયે જે પીડ પરાઈ જાણે રે

♪

સમદૃષ્ટિ ને તૃષ્ણા ત્યાગી, પરસ્ત્રી જેને માત રે

જિહ્વા થકી અસત્ય ન બોલે, પરધન નવ ઝાલે હાથ રે

વૈષ્ણવ જન તો તેને કહિયે જે પીડ પરાઈ જાણે રે

♪

મોહ માયા વ્યાપે નહિ જેને, દૃઢ વૈરાગ્ય જેના મનમાં રે

રામ નામ શું તાળી લાગે, સકળ તિરથ તેના તનમાં રે

વૈષ્ણવ જન તો તેને કહિયે જે પીડ પરાઈ જાણે રે

♪

વણ લોભી ને કપટ રહિત છે, કામ ક્રોધ નિવાર્યાં રે

ભણે નરસૈયો તેનું દર્શન કરતાં કુળ એકોતેર તાર્યાં રે

વૈષ્ણવ જન તો તેને કહિયે જે પીડ પરાઈ જાણે રે

પર દુ:ખે ઉપકાર કરે તો યે મન અભિમાન ન આણે રે

વૈષ્ણવ જન તો તેને કહિયે જે પીડ પરાઈ જાણે રે

વૈષ્ણવ જન તો તેને કહિયે જે...